Lækningasamkoma á Höfn

13.12.2011 00:52

Royal Rangers í Öræfum

Í ár byrjuðum við í Royal Rangers, Öræfum þann 7. september með vikulega fundi og héldum síðasta fund fyrir jól þann 7. desember. Margt var lært og gert, og auk þess unnum við dálítið í samfélagsþjónustu í Öræfasveit, bæði til fjáröflunar og bara af því að okkur langði til þess. Við tókum að okkur verkefni í október að taka til rusl meðfram þjóðveginum milli bæja í Öræfum, og sveitarfélagið styrkti okkur fyrir það, auk þess sem við tókum að okkur að mála yfir veggjarkrot og taka til rusl á gömlu versluninni á Fagurhólsmýri og fengum líka styrk fyrir það, þannig að við gátum greitt niður kostnað krakkanna vegna mótsins í október. Í desember lukum við starfinu á því að færa nokkrum einsetumönnum í Öræfum jólaglaðning, piparkökur og laufabrauð.

Myndir

Skrifað af Matthildur Þorsteinsdóttir

30.11.2011 11:03

Aðventan

Gefðu þér tíma á aðventunni til þess að staldra aðeins við,

kúpla þig út úr amstri dagsins og næra anda þinn með lestri orðsins.

Orð Guðs og andi Drottins gefa þér nýjan kraft sem dugar þér í gegnum daginn.

Kraftur Drottins er varanlegur, byggir okkur upp og styrkir andlega.

Orð Guðs endurnýjar huga okkar og

Andinn veitir okkur frið sem er æðri öllum skilningi.

Gefðu þér nokkrar mínútur á aðventunni til þess að leiða huga að ástæðu Hátíðarinnar sem er í vændum, Jesús kristi.

Ég hvet þig til að taka þér tíma daglega til að lesa, biðja og hugleiða orð Drottins.

Prufaðu líka að fara í kirkju, ekki bara á aðfangadagskvöld,

heldur á miðvikudegi, sunnudegi eða einhvern annan dag.

Leyfðu Guði að tala til þín, mæta þér, hjálpa þér, leiða þig og byrjaðu á því í dag. Hann þráir að sjá þig ganga í gegnum lífið í sigri og gleði, áhyggjuleysi og öryggi.

Í Matteus 11:28 segjir Jesús: " Komið til mín, öll þér sem erfiðið og þunga eruð hlaðin, og ég mun veita yður hvíld. Takið á yður mitt ok og lærið af mér því að ég er hógvær

og af hjarta lítillátur og þá munuð þér finna hvíld sálum yðar.

Því að mitt ok er ljúft og byrði mín létt."

Skrifað af Matthildur Þorsteinsdóttir

Hugmyndarvinna Skálasvæðis

29.11.2011 04:13

Kirkjulækjarkot

Í Kirkjulækjarkoti á Hvítasunnukirkjan á Íslandi stórkostlegt svæði

sem býður uppá marga möguleika.

Núna er í fullum gangi hugmyndarvinna fyrir aðstöðuna okkar í Kotinu.

Klikkaðu á linkinn hér að neðan til að skoða myndbrot

sem gefur þér nánari upplýsingar og innsýn í málið.

Drottinn blessi þig!

Skrifað af Matthildur Þorsteinsdóttir

14.11.2011 17:19

Gls ráðstefnan 2011

Í nóvember fóru 6 meðlimir kirkjunnar á svo kallaða GLS ráðstefnu sem hefur verið haldin síðustu 3. árin hér á Íslandi. (sjá nánar á gls.is)

Kennslan hreyfði við hjörtum og lífum okkar allra og voru teknar róttækar ákvarðanir á staðnum:)

Næst 3. vikurnar munm við fara yfir helstu punkta ráðstefnunnar með kirkjunni og þaðan setja okkur ný markmið, skerpa hugsjón kirkjunnar sem og stíga enn lengra inn í áætlun Guðs með okkar persónulega líf.

Það er okkar von og þrá að hafa þjónustu kirkjunnar og tilgang hennar skiljanlegan og sýnilegan fyrir öllum. Þannig missum við ekki sjónar á markinu, sem er fyrst og fremst Jesús, en líka leiðavísir um hvert kirkjan stefnir.

Við værum þér þakklát ef þú gæfir þér tíma til að biðja fyrir okkur daglega!
Við finnum hvernig Guð gefur okkur kraft og uppörvun í gegnum bænir þjóna sinna.

Án hjálpar þeirra sem erfiða fyrir okkur í bæninni, værum við ekki blómstrandi kirkja og ljós inní samfélagið.

Þakka þér fyrir að biðja fyrir okkur, Drottinn blessi þig!!

(Við hvetjum alla leiðtoga til þess að kynna sér GLS!)

Skrifað af Matthildur Þorsteinsdóttir

13.10.2011 10:31

Biblíukennsla og Mót!

Það var mikið um að vera á Hornafirði síðustu helgi. Lilja Óskarsdóttir var með biblíukennslu frá föstudegi - Sunnudags. Kirkjan átti virkilega uppörvandi helgi og trúarstyrjandi kennslu.

Nýjar myndir í albúmi frá kennslunni:)

7- 9 Okt+ober var Royal Rangersmót í Öræfum. Þar voru mættir galvaskir krakkar og foringjar úr Royal Rangers á landsvísu. Krakkarnir voru 39 talsins og á aldrinum 11- 16 ára. Alls vorum við 50 manns sem nutum útivistarinnar og þess að vera saman:)

Guð mætti með kraftaverki þar sem Hann lægði veðrið úr 35 metrum niður í logn á augabragði.

Við sáum ekki fram á að komast útúr húsi, en til stóð að fara í Ískilfur kl.13:00

Kl. 13:00 skall á dúnalogn og gátum við klifrað frá - 13:30 - 17:00 í sól og blíðu:)

Guð er góður!!

Börnin stóðu sig eins og hetjur alla helgina, sváfu í tjöldum og notuðu útivask og kamar. Þau borðuðu hafragraut á morgnanna og tóku virkilega þátt í mótinu.

Takk krakkar fyrir FRÁBÆRA helgi!!

Kveðjur Matta og Einar

Kíkið endilega á myndir frá mótinu inná www.royalrangers.is

Skrifað af Matthildur Þorsteinsdóttir

31.08.2011 00:59

Námskeið um Nýja testamentið

Helgina 29. september - 1. október

verður haldið námskeið í Hvítasunnukirkjunni Lifandi Vatni á Höfn

Námskeiðið er alls 10 kennslustundir

Kennari, Lilja Óskarsdóttir

Á þessu námskeiði rannsökum við Nýja testamentið, nýja samninginn sem Guð gerði við manninn gegnum Jesú Krist. Nýja testamentið segir okkur frá því hvernig Guð bjargaði okkur frá eilífri tortímingu. Það segir okkur hvernig við getum komist í konungsríki hans gegnum Krist og fengið að upplifa kraft hans í okkar daglega lífi. Það lýsir líka endurkomu Frelsara okkar og dásamlegri framtíð okkar í Kristi.

Við skoðum tímann milli testamentana og þann tíma sem Nýja testamentið var skrifað á. Skoðum Guðspjöllin, bækurnar sem segja frá lífi og þjónustu Jesú á jörðinni. Rannsökum bækurnar sem lýsa upphafi kirkjunnar og útbreiðslu hennar um rómverska ríkið og bréfin, sem skrifuð voru til hinna ýmsu safnaða sem spruttu upp og kynnumst gleði þeirra og erfiðleikum, sjáum hvernig kirkjan var stofnuð og henni viðhaldið með krafti Guðs.

Einnig kynnumst við bókunum sem voru skrifaðar þegar kirkjan fór að eflast og breiðast út. Við lesum um það þegar hún mætti ofsóknum frá þeim sem hötuðu hana og villukenningum þeirra sem afneituðu Drottni hennar.

Loks athugum við þær leiðbeiningar sem leiðtogum hennar voru gefnar og skoðum framtíðarsýn hennar. Komumst að því hvernig Nýja testamentið komst í okkar hendur og ástæður þess að við getum treyst því fullkomlega.

Hver kennslustund er sjálfstæð svo þeir sem ekki geta verið alla 3 dagana eru velkomnir.

Námskeiðið er ókeypis.

Ef þig vantar gistingu á Höfn þá viljum við benda þér á Gistiheimilið Hvammur. www.hvammurinn.is

Dagskrá helgarinnar:

Fimmtudagur 19:30 Lofgjörð

19:45 Kennsla/ Lilja Óskarsdóttir (2. kennslustundir)

Föstudagur 19:30 Lofgjörð

19:45 Kennsla/ Lilja Óskarsdóttir (2. kennslustundir)

Laugardagur 13:00 Lofgjörð

13:20 Kennsla/ Lilja Óskarsdóttir (2. kennslustundir)

14:45 Kaffi

15:15 Kennsla/ Lilja Óskarsdóttir (2. kennslustund)

19:30 Kennsla/ Lilja Óskarsdóttir (2. kennslustundir)

Sunnudagur 13:00 Samkoma, Lilja Óskarsdóttir talar til okkar.

Skrifað af Matthildur Þorsteinsdóttir